علمني الذهبي
الذهبي هو اشتراك علمني المدفوع. يفتحلك حلول الأسئلة الوزارية المكررة بشرح كامل، ملزمتي كاملة لكل فصل، تصوّر واجبك وورقة الشهري كاملة، وتدرس بدون حد يومي.
علمني الذهبي
الاشتراك المدفوع بعلمني، بسعر محاضرة خصوصي وحدة بالشهر.
شنو يفتحلك الذهبي؟
حلول أكثر من 4,000 سؤال وزاري مكرر
الأكثر تكرار يطلعلك أول، وكل سؤال يشرحه المدرس شرح كامل.
ملزمتي كاملة لكل فصل
كل سؤال بجوابه مثل ما ينكتب بالامتحان، مرتب مثل ملزمة المدرس.
صوّر وخذ الحل مشروح
الواجب، أسئلة الملزمة، أو ورقة الشهري كاملة، كذا صورة سوية وبدون حد يومي.
بدون حد يومي
اسهر وياه قبل الامتحان، وما يوقفك بنص الدرس.
اختبارات على المادة الداخلة
فصل كامل ولحد 10 أسئلة، وتعرف غلطاتك قبل الامتحان مو بعده.
اسأل بصوتك
الكتابة بالموبايل متعبة؟ احچي سؤالك وهو يفهمك.
المجاني والذهبي
| الميزة | مجاناً | الذهبي |
|---|---|---|
| المحادثة ويا المدرس | حد يومي | بدون حد يومي |
| الأسئلة المصوّرة | لحد يومي | بدون حد يومي |
| الاختبارات الجديدة | لحد يومي، على موضوع واحد | بدون حد يومي، لحد 10 أسئلة، فصل كامل |
| اشرح، لخّص، راجع | موضوع واحد | فصل كامل، أو لحد 5 مواضيع |
| ملزمتي من الثالث المتوسط لحد السادس الإعدادي. | جزء مجاني من كل مادة | كل الفصول، كل سؤال بجوابه |
| الأسئلة الوزارية للثالث المتوسط والسادس الإعدادي، علمي وأدبي. | الأسئلة وسنينها وشكد تكررت | وكل الحلول، وتسأل المدرس عن أي سؤال |
| السؤال بالصوت | مقفول | بالمحادثة وبأجوبة الاختبارات |
ويبقى مجاني للكل: مراجعة أغلاطك، نتائجك وسجل اختباراتك، وجدول امتحاناتك وتصويره. الذهبي ما بيه حد يومي، بس بيه حد أسبوعي واسع حتى يبقى الاستخدام عادل للكل.
شلون أفعّله؟
من أندرويد: من هذا الموقع
- افتح علمني، واضغط أيقونة الشخص بالرئيسية. رقم حسابك أول شي، اضغط عليه وينسخ.
- اكتبه بالاستمارة فوق. يطلعلك «حساب طالب» ويا صفه، حتى تتأكد إنه الحساب الصحيح.
- اختار شهري أو سنوي، واضغط «اشترك عن طريق الواتساب». الرسالة تطلع جاهزة بالمدة ورقم حسابك.
- گلّنا شلون تدفع: زين كاش، كي كارد، أو فيزا وماستركارد. ما نستلم رصيد. نرسلك تفاصيل الدفع بالمحادثة.
- نفعّل الذهبي على حسابك أول ما يوصل المبلغ. بعدها اطلع من التطبيق وارجع فوته.
من آيفون: من داخل التطبيق
أي زر «اشترك بالذهبي» بالتطبيق، أو الحساب ← «شوف المزايا والاشتراك»، يفتحلك شاشة الشراء مال App Store. السعر اللي تشوفه هناك تحدده أبل.
اشتراك App Store يتجدد لحاله، إلا إذا لغيته من إعدادات الآيفون قبل نهاية المدة بـ24 ساعة.
تريد تدفع بزين كاش أو كي كارد؟ اشترك من هذا الموقع بنفس طريقة الأندرويد، وهذا ما يتجدد لحاله.
قبل ما تدفع
- الاشتراك من الموقع ما يتجدد لحاله. تدفع شهر أو سنة وينتهي بوقته، ما ينسحب منك شي بدون علمك.
- ولي الأمر أو صديق يگدر يدفعلك بنفس رقم حسابك، والصف اللي يطلع يأكدله إنه الحساب الصحيح. لولي الأمر
- الذهبي يشتغل على موبايل واحد بالمرة: آخر موبايل سجّلت بيه دخول. فمشاركة حساب وحد بين أصدقاء ما تنفع.
- رقم حسابك مو كود تفعيل. ماكو كود تكتبه بالتطبيق: الرقم للاستمارة هنا بس.
بعدك ما عندك حساب؟
حمّل علمني مجاناً، سجّل، ورقم حسابك يطلعلك بصفحة الحساب.