الأسئلة الشائعة
عن التطبيق، الأسئلة الوزارية، والاشتراك الذهبي.
عن التطبيق
شنو هو علمني؟
علمني مدرّس خصوصي بالذكاء الاصطناعي للمنهج العراقي. يشرح من نفس كتب وزارة التربية، يحل الأسئلة من صورة، يختبرك على المادة الداخلة، ويرجّعلك غلطاتك لين تثبتها. شلون يشرح علمني
علمني مجاني؟
إي، التطبيق مجاني: تسأل المدرس، تصوّر أسئلتك، وتسوي اختبارات كل يوم، لحد يومي يتجدد كل 24 ساعة. الذهبي هو الاشتراك المدفوع لمن يريد يدرس بدون حد يومي. حمّل التطبيق
يشرح من نفس كتابي؟
إي. الشرح والاختبارات من كتب وزارة التربية العراقية نفسها، حسب صفك وفرعك، ويعرضلك رسومات الكتاب وأرقام صفحاته. المدرّس والمواد
أگدر أصوّر ورقة امتحان كاملة؟
إي. صوّرها ودزّها، ويحلها سؤال سؤال ويشرح ليش. بالمجاني صور لحد يومي، وبالذهبي بدون حد يومي. حل الأسئلة بالتصوير
علمني يضمنلي درجة؟
لا، وما نوعد بدرجة. علمني يشرحلك ويختبرك ويحط غلطاتك قدامك، بس الدراسة عليك.
الأسئلة الوزارية
شنو يعني سؤال وزاري مكرر؟
سؤال إجا بالامتحان الوزاري بسنتين مختلفة أو أكثر. إذا رجع بصياغة ثانية أو بأرقام ثانية نحسبه سؤال واحد ونجمع سنينه، والأكثر تكرار يطلع أول. الأسئلة الوزارية المكررة
لأي صفوف الأسئلة الوزارية؟
للثالث المتوسط، والسادس الإعدادي بفرعيه العلمي والأدبي.
الأسئلة الوزارية مجانية؟
الأسئلة، والسنين اللي إجت بيها، وشكد تكررت، مفتوحة للكل بالتطبيق. الحل النموذجي، وإنك تسأل المدرس عن السؤال، بالذهبي. شنو يفتحلك الذهبي
وين ألگه حلول الأسئلة الوزارية؟
بتطبيق علمني، تحت كل سؤال، بعلمني الذهبي. الموقع يعرض أكثر الأسئلة تكرار بكل فصل بدون حلول. شوف الأسئلة حسب الفصل
الحساب والاشتراك
كيف ألگه رقم حسابي بعلمني؟
رقم حسابك بعلمني يبدأ من ٣ أرقام، وتلگاه داخل التطبيق بصفحة الحساب.
شكد ياخذ التفعيل بعد الدفع؟
نفعّل الذهبي على حسابك أول ما يوصلنا المبلغ ونتأكد منه. ما تحتاج كود ولا تسوي شي بالتطبيق: بعد التفعيل اطلع من التطبيق وارجع فوته.
شنو الفرق بين الحساب المجاني والذهبي؟
المجاني حتى تجرّب علمني كل يوم: تسأل المدرس، تصوّر أسئلتك، وتسوي اختبارات، كلها لحد يومي. الذهبي بدون حد يومي: حلول أكثر من 4,000 سؤال وزاري مكرر بشرح كامل من المدرس، تصوّر الواجب وورقة الشهري كاملة، اختبارات على المادة الداخلة لحد 10 أسئلة، وتسأل بصوتك.
شنو حدود الاستخدام اليومية والأسبوعية؟
المجاني بيه حد يومي للمحادثة والصور والاختبارات، يتجدد كل 24 ساعة، وتشوف شكد باقيلك من حسابك بالتطبيق. الذهبي ما بيه حد يومي، بس بيه حد أسبوعي واسع حتى يبقى الاستخدام عادل للكل.
عندي آيفون، أشترك من وين؟
إذا عندك آيفون، الاشتراك يصير مباشرة من داخل تطبيق علمني عن طريق App Store. وإذا تريد تدفع بزين كاش أو كي كارد، تشترك من هذا الموقع مثل الأندرويد، وهذا ما يتجدد لحاله.
عندي أندرويد، أشترك من وين؟
إذا عندك أندرويد، تشترك من موقع علمني: بصفحة «علمني الذهبي» اكتب رقم حسابك واضغط «اشترك عن طريق الواتساب». اشترك بالذهبي
هل الاشتراك يتجدد لحاله؟
التفعيل من الموقع يفعّل الباقة لمدة الفترة اللي دفعت عليها بس (شهر أو سنة)، وما يتجدد لحاله، لازم تجدده بنفس الطريقة. أما إذا اشتركت من App Store بالآيفون، فهو يتجدد أوتوماتيك حسب إعدادات حساب أبل مالتك.
شنو الصفوف اللي يدعمها علمني؟
علمني يدعم: أول متوسط، ثاني متوسط، ثالث متوسط، رابع إعدادي، خامس إعدادي، وسادس إعدادي.
شنو طرق الدفع المتوفرة؟
زين كاش، كي كارد، أو فيزا وماستركارد. كلها عن طريق الواتساب: تراسلنا، نرسلك تفاصيل الدفع حسب الطريقة اللي عندك، ونفعّل الذهبي أول ما يوصل المبلغ. ما عندك بطاقة؟ أي مكتب تحويل يحوّل المبلغ، أو واحد من أهلك. ما نستلم رصيد. وبالآيفون تكدر تشترك من داخل التطبيق بحساب Apple. اشترك بالذهبي
أكثر
الذهبي يشتغل على أكثر من موبايل؟
على موبايل واحد بالمرة: آخر موبايل سجّلت بيه دخول. إذا سجّلت بموبايل ثاني، الذهبي ينتقل وياك.
ولي أمري أو صديقي يگدر يدفعلي؟
إي، بنفس رقم حسابك، عن طريق الواتساب. الصف اللي يطلع بالاستمارة يأكد إنه الحساب الصحيح. لولي الأمر
عندي مشكلة بالتطبيق، وين أحچي؟
بالتطبيق: الحساب ← الدعم عبر واتساب، أو من «الدعم على واتساب» بأسفل هذي الصفحة.
جرّب علمني على أول درس
التطبيق مجاني على Android وآيفون.
عندك حساب؟ علمني الذهبي يفتحلك حلول الوزاري، وتصوير الورقة كاملة، وبدون حد يومي.